Ыран, нарӑс уйӑхӗн 17-мӗшӗнче, «Раҫҫей 1» телеканалпа Олимп вӑййисенче иртекен слоупстайл ӑмӑртӑвне кӑтартӗҫ. Вӑл 3 сехет ҫурӑра пуҫланӗ. Финал вара ирхи 6 сехет ҫурӑра иртӗ.
Пирӗн ентеш, Ҫӗнӗ Шупашкар пики Лана Прусакова, ски-слоупстайл дисциплинӑра ӑмӑртӗ. Вӑл Олимп вӑййисене пуҫласа хутшӑнать. Лана Никита Васильев тренер патӗнче ӑсталӑхне туптать. Вӑл та спортменкӑпа пӗрле Пхенчхана кайнӑ.
Ҫак кунах Татьяна Акимова биатлонистка масс-старта хутшӑнать. Аса илтерер: вӑл унчченхи ӑмӑртура 15-мӗш пулнӑ. Масс-старта «Россия 1» телеканалпа нарӑсӑн 17-мӗшӗнче 14 сехет те 15 минутра курма пулать.
Пхёнчханра паян Татьяна Акимовӑн тепӗр хут старта тухма тивӗ. Хальхинче харпӑр ӑмӑрту пулӗ. Финал. Вӑл 14:05 вӑхӑтра пуҫланмаллаччӗ (тӗнче тетелӗнчи онлайнсем ҫак вӑхӑта кӑтартнӑччӗ). Ӑмӑртӑва кӗҫнерникуна куҫарнӑ. Ҫапла май эпир хамӑр онлайна нарӑсӑн 15-мӗшӗнче 11 сехетсенелле малалла тӑсӑпӑр.
Эпир сире текстлӑ онлайнра ӑмӑртури самантсем пирки пӗлтерсе тӑрӑпӑр! Пирӗнпе пулсан хыпарсене эсир чи малтан пӗлме пултарайратӑр!
Ҫакӑнпа хамӑр трансляцине вӗҫлетпӗр.
Все, пур биатлонҫӑсем те чупса пӗтерчӗҫ. Чи япӑх лекекенни 10 хут тӗл лекеймен. Вӑл 87-меш вырӑнта.
Пӗтӗмлетӳ тӑрӑх Ханна Эберг (Швеци) — пӗрремӗш, Анастасия Кузьмина — 2-мӗш, Лаура Дальмайер — 3-мӗш. Пирӗн Татьяна — 15-мӗш вырӑнта. Ульяна Кайшева — 23-мӗш.
Лаура Дальмайер ҫавах та Анастасия Кузьминан вӑхӑтне ҫитереймерӗ. Хальлӗхе Анастасия — 2-меш, Лаура — 3-мӗш.
Ханна Эберга ҫитекенни ку ӑмӑртура пулаймасть пуль теҫҫӗ-ха... Кузьмина медальлӗ пулӗ е ҫук — хальлӗхе паллӑ мар.
Лаура Дальмайер тӑваттӑмӗш рубежра та пур мишене лектерчӗ. Ханна Эбергран 31 ҫеккунт кӑна кая юлса пырать.
Татьяна Акимова финиша ҫитрӗ. Хальлӗхе унӑн 9-мӗш вырӑн. Чи кирли паян Татьянӑшӑн — масс-старта лекесси.
Лаура Дальмайер (пасьюртра ҫӗнтернӗскер) виҫҫӗмӗш рубежра пӗтӗмпех лектерчӗ.
Шел те, тӑваттӑмӗш рубежра Татьяна Акимова каллех пӗр мишене тивӗртеймерӗ. Ҫапла май ӑна 2 минут хушӗҫ.
Ульяна Кайшевӑна 12-мӗш вырӑна антарчӗҫ.
11 ҫурӑ километр иртнӗ хыҫҫӑн пирӗн Татьяна Акимова вӑхӑтпа 10-мӗш.
Ульяна Кайшева финиша саккӑрмӗш ҫитрӗ.
Пирӗн Татьяна виҫҫӗмӗш рубежа пӗтӗмпех лектерчӗ. Вӑл халь 12-мӗш вырӑнта.
Ханна Эберг финиша ҫитрӗ. Вӑл Кузьминаран 25 ҫеккунт малта. Сӑмах май, Ханна кашни мишене лектерчӗ, 20-рен 20 тивӗртрӗ.
Ульяна Кайшева тӑваттӑмӗш рубежра пур мишене те лектерчӗ. Хальлӗхе вӑл 8-мӗш.
Иртнӗ пасьюртра мала тухнӑ Лаура Дальмайер пӗрремӗш рубежра пӗрре тӗл лекеймерӗ.
Татьяна Акимовӑн хальлӗхе 16-мӗш вырӑн.
Сӑмах май Анастасия Кузьмина (Словаки) финиша тухма ӗлкерчӗ. Халь ыттисем мӗнле тухасса кӗтмелле.
Иккӗмӗш рубежра, шел те Татьяна пӗр мишене тивертеймерӗ. Ҫапла май ӑна пер минут хушса пачӗҫ.
Пирӗн Акимова та старта тухрӗ. Пӗрремӗш рубежра вӑл пурте те тӗл лектерчӗ.
Ханна Эберг 15-рен 15 тивӗртрӗ. Ҫапла май вал мала тухрӗ.
Кузьмина тӑваттӑмӗш ребежа лайӑх иртрӗ, пурне те лектерчӗ. Ҫапла май ӑна, тен, медаль те лекме пултарӗ.
Хотя Ханна Эберг та малти вырӑна тытса тӑраймарӗ, Дарья Домрачева лайӑх печӗ те мала тухрӗ.
Ханна Эберг мала тухрӗ. Вӑл пӗтӗм мишене тӗл лектерчӗ. Кузьмина татах лекеймерӗ те малти вырӑна ҫухатрӗ. Кайшева 15-мӗш. Вӑл хальлӗхе иккӗ тӗл лекеймен.
Хальлӗхе чи малта Кузьмина пырать. Ун хыҫҫӑн Эберг, Бендика, Новаковска.
Дарья Дормачева хальлӗхе пиллӗкмӗш пырать. Кузьминаран 26 ҫеккунт юлса пырать.
Ульяна Кайшева пӗрремӗш рубежа лайӑх персе иртрӗ, пурне те лектерчӗ.
Тӑрса пенӗ чухне Анастасия Кузьмина пӗрре тӗл лекеймерӗ. Ӑна пӗр минут хушса пачӗҫ. Ҫавах вӑл хальлӗхе чи малта.
Ульяна Кайшева (Раҫҫей), Дарья Дормачева (Беларуҫ) старта тухрӗҫ.
Ольга Полторанина та Анастасия Кузьмина та кашни мишене тӗл лекрӗҫ, Марта Олсбу вара пӗрине лекеймерӗ.
Анастасия Кузьмина та старта тухрӗ.
Ольга Полторанина та Марта та ӑмӑртма пуҫларӗҫ.
Ульяна Кайшева 25-мӗш старта тухӗ, пирӗн Татьяна — 52-мӗш ҫеҫ. Сӑмах май, Лаура Дальмайер, иртнӗ ӑмӑртура ылттӑн ҫӗнсе илнӗскер, 80-мӗш старта тухӗ.
Итак, биатлон ӑмӑртӑвӗ ҫывӑх вӑхӑтра пуҫланать пулас.
Вӑйлӑ ҫиле пула Пхёнчханри ҫынсене урама тухма сӗнмен. Олимп паркӗнче сиенленме пултаракан конструкцисене пуҫтараҫҫӗ тет:
sport.rbc.ru/news/5a83f3679a794768b771c0a4 (кунашкал ҫанталӑкра, паллах, нимӗнле биатлон пирки те сӑмах пыраймасть)
Эх, паян сире хыпарласси пулмасть иккен. Вӑйлӑ ҫиле пула ӑмӑртӑва ырана куҫарнӑ тет. Арҫынсемпе пӗр кунхине ирттерӗҫ. Хӗрарӑмсем старта 11:15-ре тухӗҫ, арҫынӗсем — 14:30-та.
Ну мӗнех, ыранччен вара.
Ҫакнашкал уйрӑмлӑха пула ӑмӑртура кӗтмен самантсем те пулма пултарайраҫҫӗ. Калӑпӑр, малти вырӑна тухма пултараканни кая юлма пултарать.
Сӑмах май, Пхёнчханри пемелли вырӑна тренерсем меллисен йышне кӗртмеҫҫӗ. Хӑваламалла ӑмӑртнӑ чухне те, сӑмахран, пӗрре те йӑнӑшман спортсменкӑсем пулмарӗҫ. Пирӗн Татьяна та ҫавна пулах тӑватӑ хутччен хушма ҫаврӑм чупрӗ. 20-мӗш вырӑнтан 31-мӗшне анса ларчӗ.
Кӗскен харпӑр ӑмӑрту пирки каласа парар. Ӑна акӑлчанла каласан олдскул тесе хаклаҫҫӗ, чӑвашла вара «чи малтанхи», «никӗсри» тесе ӑнлантарса пама пулать. Ӑмӑртакансем старта уйрӑмшарӑн тухаҫҫӗ, мишене пӗрре тӑрса переҫҫӗ, тепре — выртса. Лекеймесен хушма ҫаврӑмсем тумаҫҫӗ, вӑхӑтне кӑна хушса параҫҫӗ. Пӗр минут. Ҫапла май тӗл лекесси питӗ пӗлтерӗшлӗ теҫҫӗ, ытти тӗсӗсемпе хакласа икӗ хут пӗлтерӗшлӗрех. Виҫҫӗ-тӑваттӑ лекмесен вӑл вӑхӑта хӑваласа ҫитме чи хӑварт чупакан биатлонҫӑсене те йывӑр.
Онлайна хатӗрленнӗ май пирӗн сайтра унӑн биографийӗ ҫуккине асӑрхарӑмӑр. Хушрӑмӑр: chuvash.org/wiki/%D0%90%D0%BA%D0%B8%D0%BC%D0%BE%D0%B2%D0%B0%20%D0%A2%D0%B0%D1%82%D1%8C%D1%8F%D0%BD%D0%B0%20%D0%A1%D0%B5%D1%80%D0%B3%D0%B5%D0%B5%D0%B2%D0%BD%D0%B0
Паллашма пултаратӑр.
Владикавказра йывӑр атлетика енӗпе Раҫҫей чемпионачӗ вӗҫленнӗ. Пӗтӗмлетӳпе килӗшӳллӗн, Чӑваш Ен спортсменки Наталья Хлесткина Олимп вӑййисене хутшӑнакан Раҫҫейӗн пӗрлештернӗ командине кӗнӗ. Ҫапла вӑл ҫулла Рио-де-Жанейрӑра иртекен Олимп вӑййисенче ҫӗршыв чысне хӳтӗлӗ.
Раҫҫейӗн йывӑр атлетика енӗпе пӗрлештернӗ командин тренерӗ Александр Видов каланӑ тӑрӑх, Натальйӑсӑр пуҫне командӑра тӗнчен тӑватӑ хут чемпионки Татьяна Каширина, тӗнче чемпионки Тима Туриева, тӗнче чемпионачӗн призерӗ Анастасия Романова пулӗҫ.
Владикавказра иртнӗ Раҫҫей чемпионатӗнче Наталья Хлесткина икӗ енлӗ кӗрешӳре пӑхӑр медаль ҫӗнсе илнӗ. Ака уйӑхӗн варринче вара пирӗн ентеш Европа чемпионкин ятне тивӗҫнӗ.
Шупашкарти 5-мӗш музыка шкулӗнчи ача-пӑчасен «Соловушки» ансамбль ҫитес вӑхатра Сочие тухса кайӗ. Вӗсем Олимп вӑййисем хупӑннине халалланӑ мероприятире юрлӗҫ.
Ҫамрӑкскерсем спорт ҫинчен юрӑсем шӑрантарӗҫ. Ҫавӑн пекех вӗсем «Пусть всегда будет солнце!» юрра, Раҫҫей Гимнне шӑрантарӗҫ. Олимп репертуарӗнче — 12 юрӑ. Ачасем ушкӑнпа чылай ҫӳренӗ. Маттурскерсем Раҫҫей шайӗнче тата халӑхсем хушшинче иртнӗ конкурссене хутшӑннӑ. Олимпиада хупӑннине халалланӑ мероприятие каймашкӑн ачасен ҫирӗп суйлав витӗр тухмалла пулнӑ: пӗр вырӑна — ултӑ ҫын. Вӗсемпе Сочире Александр Васильев ертӳҫӗ пулӗ. Ачасем пин-пин ҫынлӑ хорта ӑҫта тӑмаллине пӗлеҫҫӗ ӗнтӗ. Вӗсене хорӑн ҫӳлти сылтӑм енче, улттӑмӗш тата ҫиччӗмӗш ретсен хӗрринче, курма пулать.
Сочи хулинче иртекен Хӗллехи Олимп вӑййине хутшӑнма Чӑваш Енрен фристайл ӑсти Елена Муратова кӗме пултарнӑ. Ҫураласса вӑл Мурманск облаҫӗнче ҫуралнӑ-ха. 2012 ҫулта вӑл Чӑваш Ене пурӑнма куҫса килнӗ.
Раҫҫейӗн пӗрлештернӗ ушкӑнне вӑл пуҫласа 2003 ҫулта кӗнӗ. Тӑватӑ ҫул каялла вӑл Раҫҫей чемпионатӗнче ҫӗнтернӗ. 2012 ҫулта вӑл Европа кубокне ҫӗнсе илнӗ.
Олимпиадӑна хутшӑнакансенчен Елена чи вӑйлӑ фристайлерсен шутне Америкӑри Пӗрлешӳллӗ Штатсенчи тата канадӑри спорстменсене кӗртет.
Халӗ Муратова Италире Олимпиадӑна хатӗрленет, унтан вӑл тӳрех Сочине килмелле.
-1.7 °C
